உன்னால்...!


                                                                                                   
                                                        இரவில் 
                                                        விழிப்பின் தேடலில்... 
                                                        பகலில் 
                                                        தொடரும் துரத்தலில்... 
                                                        முடிந்துபோகுமென் 
                                                        ஒரு நாளின் பொழுதுகள்
                                                        உன்னால் !
                                                        * * *

                                                        இதயத்தில் வலி அதிகரிக்க 
                                                        இறுக பற்றிக்கொள்கிறேன்...
                                                        இனியவனே உன் நினைவுகளை
                                                        இதயவலி 
                                                             உன்னால் என்ற போதும் ! 

                                                        * * *
                                                                                                           
                                                        நான் அரற்றினால்
                                                        நீ ஆனந்திக்கிறாய்
                                                        நான் தொடங்கினால்
                                                        நீ சுபம் என்கிறாய் 
                                                        எனக்கு இருண்டால்
                                                        உனக்கு ரம்யம் !
                                                        
                                                        காயப்படுத்தலும்
                                                        குணப்படுத்தலும் 
                                                        மாறி மாறி நடக்க 
                                                        வடு மட்டும் 
                                                        நிரந்தரம் 
                                                        உன்னால் !!

                                                        * * *


                                                        உயரப் பறந்தாலும்
                                                        நூலின் மறுமுனை 
                                                        உன்னிடத்தில்...
                                                        காகித பட்டம் 
                                                        போலானேன் 
                                                        உன்னால்!

                                                        * * *




படம் - நன்றி கூகுள்

17 comments:

சங்கடமான நிலை தான் . இன்று பலபேர் சொல்லாமல் அனுபவிக்கும் வதை இது.
வாழ்த்துகள்.
வேதா. இலங்காதிலகம்.
http://www.kovaikkavi.wordpress.com

 

மிகவும் அருமையான கவிதை.........

நன்றி,
கண்ணன்
http://www.tamilcomedyworld.com

 

இதை விட அருமையாக ஆணாதிக்கத்தை கூற முடியாது... ஆனால் உண்மை வேறு... நூலின் கயிறு உன்னவனிடம் இல்லை, உன்னவனின் தாயிடம் உள்ளது..

 

//உயரப் பறந்தாலும்
நூலின் மறுமுனை
உன்னிடத்தில்...
காகித பட்டம்
போலானேன்
உன்னால்!//

அருமை...

கவிதைகள் அனைத்தும் நல்லாயிருக்கு.

 

// வடு மட்டும் நிரந்தரம் உன்னால் !! * * * உயரப் பறந்தாலும் நூலின் மறுமுனை உன்னிடத்தில்... காகித பட்டம் போலானேன் உன்னால்!//

அருமையான வரிகளுடன் மிகச் சிறப்பான கவிதை. பாராட்டுக்கள்.

 

இறுக பற்றிக்கொள்கிறேன்...
இனியவனே உன் நினைவுகளை
இதயவலி
உன்னால் என்ற போதும் !
உயரப் பறந்தாலும்
நூலின் மறுமுனை
உன்னிடத்தில்...
காகித பட்டம்
போலானேன்
உன்னால்!//

காதலின் வலியா.. ஆதிக்கத்தின் ஆளுமையா... கவிதையுடன் படம்... கண்டிப்பாக காதலின் ஆதிக்கம் தான்.. ஆணாதிகமல்ல.. அருமை

 

//காயப்படுத்தலும்
குணப்படுத்தலும்
மாறி மாறி நடக்க
வடு மட்டும்
நிரந்தரம்
உன்னால் //

நிதர்சனம் சொல்லும் வரிகள். வலிந்தே காயமேற்கும் மனம், சமயங்களில் வடுக்கள் கண்டும் இன்புறும். அருமையான கவிதை.

 

@@ kavithai (kovaikkavi)...

நன்றிங்க


@@ Kannan...

நன்றி.



@@ நண்டு @நொரண்டு -ஈரோடு...

நன்றி.



@@ கவிதை வீதி... // சௌந்தர் //...

நன்றி.

 

@@ suryajeeva கூறியது...

//இதை விட அருமையாக ஆணாதிக்கத்தை கூற முடியாது...//

சரியா போச்சு இது என்னங்க இப்படி ?!! :) காதல் கவிதையிலுமா ஆணாதிக்கம் ?

// நூலின் கயிறு உன்னவனிடம் இல்லை, உன்னவனின் தாயிடம் உள்ளது..//

காதலுக்கு நடுவில தாய் எப்படி வந்தாங்க ?!!

ஆனா ரொம்ப குழப்புறீங்க சூர்யாஜீவா
:))

நன்றி

 

@@ சே.குமார்...

நன்றி குமார்.



@@ MANO நாஞ்சில் மனோ...

நன்றி மனோ.


@@ வை.கோபாலகிருஷ்ணன்...

நன்றிகள்.

 

@@மாய உலகம் கூறியது...


// கண்டிப்பாக காதலின் ஆதிக்கம் தான்.. ஆணாதிகமல்ல..//

அச்சோ கரெட்டா சொல்லிடீங்க ராஜேஷ். இதை அப்படியே சூர்யா ஜீவா சார்கிட்ட சொன்னா நல்லா இருக்கும். :))

நன்றி.

 

@@ கீதா கூறியது...

//வலிந்தே காயமேற்கும் மனம், சமயங்களில் வடுக்கள் கண்டும் இன்புறும்.//

உண்மைதாங்க கீதா !!

உணர்விற்கு நன்றி தோழி.

 

@@ ஆயிஷா அபுல்...

நன்றிகள்.