உந்தன் நினைவுகள்...!





                                                                       நீ
                                                                இல்லாத
                                                                இரவுகளும்
                                                                இதமாகவே
                                                                இருக்கின்றன...
                                                                உன்னைவிடவும்
                                                                இறுக்கமாக
                                                                அணைத்திருக்கின்றன
                                                                உன் நினைவுகள்!

                                                                          * * *  



                                                
                                                                எனக்குள்
                                                                ஓடி பிடித்து
                                                                விளையாடுகின்றன
                                                                'பத்ரமா பாத்துக்கோ' வென
                                                                நீ ஒப்படைத்து சென்ற
                                                                உன் நினைவுகள்...
                                                                விழுந்து
                                                                அடிபடாமல்
                                                                பாதுகாப்பதிலேயே
                                                                முப்பொழுதும்
                                                                முடிந்துவிடுகிறது... 

                                                                             * * *  


                                                 
                                                  
                                                   ஒன்றும் செய்யவிடாமல்
                                                   பாடாய் படுத்தியெடுக்கும்
                                                   உன் நினைவுகளால் 
                                                   நினைவிழந்து போகிறேன் நான் ! 

                                                                           * * *  




                                                     வரும்வரை வைத்துக் கொள்...
                                                     உனக்கென்ன
                                                     கொடுத்துவிட்டு
                                                     போய்விட்டாய்...
                                                     நானல்லவா மாட்டிக்கொண்டு 
                                                     முழிக்கிறேன்
                                                     நினைவுக்கும்  கனவுக்கும் நடுவில்...
                                                     ஒன்று  
                                                     தூங்கவிடுவதில்லை !
                                                     மற்றொன்று
                                                     தூங்கினாலும் விடுவதில்லை !

                                                                             * * *    

                                                             
                                                             நீ வர தாமதித்தால் 
                                                             நிலைமை இங்கே
                                                             மிக மோசமாகிவிடும்...
                                                             உன்னை விட
                                                             அருமையாய்  காதலிக்கின்றன
                                                             உன் நினைவுகள் !
                          
                                                                               * * *  
                                                                                                                                                            
                                                              உன் நினைவுகளில்
                                                              மூழ்கித் திளைப்பதே
                                                              காதல் என்பதாகிப்
                                                              போனதெனக்கு!


                                                                                                        * * * 
 

படங்கள் -நன்றி கூகுள் 

3 comments:

anaiththum arumai....

 

நினைவுகளை நினைத்து, பல கவிதைகள் படைத்து, பகிர்ந்து கொண்டதற்கு பாராட்டுக்கள்... நன்றி...

 

///ஒன்று
தூங்கவிடுவதில்லை !
மற்றொன்று
தூங்கினாலும் விடுவதில்லை !//

சூப்பரா சொல்லிருக்கீங்க..