நிழலாய் நீ...

யாரையும் மனம் நோக 

பேசியறியாத எனக்கு, மறைவாக

நீ  நடத்தும் யுத்தத்தை 

எதிர்கொள்ள எவ்வாறு இயலும்?

உன் கோபம் முன் என் கூக்குரல்

எடுபடாமலே போய்விட்டது...

'கடைசிவரை மறவேன்'  

என்ற வாக்குறுதி இன்று 

காணாமல் ஓடியது எங்கனம்?

நான் எங்கே, யாரிடம் பேசினாலும்

அங்கே நிழலாய் நீ தெரிவதை

எப்படி புரிய வைப்பேன்..?!

சக்தி அற்று, என் சுயம் 

தேடி கொண்டே இருக்கிறேன்....

நீயே நான் என்றே, நான் எண்ண

நீ உன்னில் இருந்து என்னை 

பிரித்தது ஏன்....இந்த பிரிவு

உனக்கு இன்பம் என்றால் 

துன்பமும் வரமே எனக்கு...

வார்த்தையால்  என் இதயம் 

கிழிக்காதே, உனக்கு வலிக்கும் 

என்றே அஞ்சுகிறேன்...