இழை...!

                                          
                                             பிறர் உன்னை அழைக்கும் போது  

                                             இருக்கிறேன் உன் பெயரில் !

                                             பிறருடன் பேசும் போது

                                             இருக்கிறேன் உன் வார்த்தையில் !

                                             பிறரை  பார்க்கும் போது

                                             இருக்கிறேன் உன் பார்வையில் !

                                             இல்லை என்று மறுத்துவிடாதே

                                             நொறுங்கிவிடும் உள்ளே ஒன்று !!?

                                             மெல்லிய இழை ஒன்று 

                                             அசைந்தும் 

                                             அசைவின்றியும்

                                             இருவருக்குமிடையே !

                                             சிறு காற்று போதும்

                                             இழை அறுபட...

                                             அறுபடாமல் பாதுகாப்பதில் 

                                             பருவங்கள் 

                                             கடந்துவிடுகின்றன 

                                             எனக்கு ?!

                                             செத்து கிடக்கிறது !

                                             ஒரு முறை அழை

                                             உயிர் பிழைக்கட்டும் 

                                             என் பெயர் !!

                                            ஓடுகிறேன் 

                                            துரத்துகிறாய்

                                            நினைவுகளால் !

                                            தேடுகிறேன் 

                                            ஓடுகிறாய் 

                                            என் உதிரமாய் !