இந்த முறையும்...!

                                                  
                                                 எதிர்பாரா நேரத்தில் 
                                                 சற்றுமுன் கேட்ட 

                                                 உன் குரல்...

                                                 என் நரம்புகளை

                                                 உருவேற்றி சென்றதை

                                                 நீ அறிய மாட்டாய்...

                                                 சேகரித்து வைத்திருந்த

                                                 நினைவுகளை

                                                 உன் குரல்...

                                                 என் உயிர் பிளந்து 

                                                 களவாடிய போனதை

                                                 நீ அறியமாட்டாய்...

                                                 என் தனிமைச் 

                                                 சுமைகளை

                                                 உன் குரல்...

                                                 அதிகரித்துச் சென்றதை

                                                 நீ அறியமாட்டாய்...

                                              

                                                 தலைகோதி
                                                 நெஞ்சை வருடும்
                                                 உன் குரல்...                                                  
                                                 என்னை துடிக்க வைப்பதை
                                                 நீ அறிய மாட்டாய்...

                                                 விழியில் உன் பிம்பம்

                                                 செவியில் உன் குரல்

                                                 எதை முழுதாய் ரசிப்பது

                                                 தவித்து நிற்க்கையில்

                                                 சட்டென்று ஒலிக்கும்
                                                 உன் சிரிப்பொலி...

                                                 அந்த அதிர்வில்

                                                 மொத்தமாய் சிதைந்து

                                                 சிதறி சருகாய் உதிர்ந்து

                                                 போனேன் நான் !

                                                 மீண்டு எழுவதற்குள்

                                                 முடிந்தே விட்டது

                                                 இந்த முறையும்
                                                 நம் தொலைபேசி உரையாடல் !!