காத்திரு...!

                                          எங்கெல்லாம் கூட்டி செல்கிறாயோ
                                          அங்கெல்லாம் கேள்வி ஏதும் இன்றி
                                          உன் கை பிடித்து வரும் என்னை...
                                          'சிரி' என்று நீ சிரிப்பாய்
                                          சிரிப்பேன்
                                          'பேசு' என்று நீ பேசுவாய்
                                          பேசிக் கொண்டே இருப்பாய்...
                                          உன் வார்த்தையை
                                          ஒவ்வொன்றாக  
                                          அசைபோட்டு மென்று தின்பேன்...

                                          விழிகளால் உன்னை பருகி
                                          நெஞ்சை நிறைக்கும் என்னை
                                          நடு நடுவே
                                          துடிக்கவைத்து ரசிப்பாய்...
                                          சமயங்களில்
                                          என் உயிரை
                                          விலை பேசும் உன் மௌனம்
                                          வெம்மை முழுமையாக
                                          எரிக்கும் முன்
                                          மண்டியிடுவேன்
                                          உன் காலடியில்...
                                          கர்வத்துடன் காதலால்
                                          அள்ளி அணைப்பாய்...!

                                          இதோ
                                          பிரிந்து விட்டாய்
                                          மற்றொரு விடை பெறுதல் !

                                          பிரிவு தற்காலிகம்
                                          மனதிடம் சமாதானம்
                                          எடுபடவில்லை...
                                          வழக்கத்திற்கு மாறாக
                                          உன் தோளோடு தோள் நெருங்கி அமர்ந்து
                                          உன் கரங்களை குழந்தையை போல
                                          தூக்கி முத்தமிட்ட
                                          அடுத்த கணம்...
                   
                                          கனத்த மௌனத்தின் ஓசை நெஞ்சை அறைய
                                          கரங்களில் என் பிடியின் அழுத்தம்
                                          உணர்ந்து நிமிர்ந்த வேளை 
                                          விழியோரம் துளிர்த்தது நீர்
                                          பதறி புரிந்தவனாய்
                                          'சீக்கிரம் வந்துவிடுவேன்'
                                       
                                          அதுவரை...? 

                                          அதுவரை.....!!

                                        
                 
                                     

படம்-நன்றி கூகுள்