வாசல்: சகோதரன்

Showing posts with label சகோதரன். Show all posts

வரைய தூரிகை எடுத்தேன்

வரைய மறுத்து

வடிக்கிறது

உனக்கு ஒரு கவிதை !

பாசத்தையும் பரிவையும்

பாச கயிறாக்கி

என் நெஞ்சோடு

பிணைத்தாய் இறுக்கமாய் !

நீ பிறந்தாய்

உன் தாயின் மகனாக

நான் பிறந்தேன்

என் தாயின் மகளாக

இணையத்தால் இணைந்தோம்

ஒரே தாயின் பிள்ளைகளாய் !

இணைத்தது இறைவன் என்கிறேன் நான்

விதி என்று சொல்லி சிரிக்கிறாய் நீ !

வீட்டிற்கு வந்தேன் உன்னை காண

தயங்கி வாசலுடன் திரும்பினேன்

சிறகொடிந்து நீ

நிற்பதை காண சக்தி அற்று !

என்றாவது ஒரு நாள் என் வாசல்

வருவாய் நடந்து !

அந்நாளும் வந்திடாதோ

என் மனமும் குளிர்ந்திடாதோ !

என் மேல் நீ காட்டும் பாசம்

கண்டு என்னுள்ளம் கலங்குகிறது

என் பிள்ளையாய் நீ

பிறந்திருக்க கூடாதா என்று !!

   என் சௌந்தரியமே
   உரக்க ஒருமுறை அழைத்திடு
   அம்மா என்றே
   பாலையிலும் பூ பூக்கட்டும் !!

வாசல்