காதலே என் காதலே !

                       

                      
                      என் காதல் என்னவென்று சொல்ல !!

                      தொட்டதற்கு எல்லாம் சுணங்கி கொள்ளும்

                      தொட்டாசிணுங்கி காதல் அல்ல !

                      அழுது அரற்றி ஆர்ப்பாட்டம் செய்யும்

                      ஆவேசக் காதல் அல்ல !

                      ஆத்மார்த்தமான ஆன்மாவின்

                      தேடலாம் அந்த  காதல் அல்ல !

                      கைவிட்டு விடாதே என்று இரஞ்சுகிற

                      பரிதாப காதலும் அல்ல !

                     நீ இன்றி நான் இல்லை என்று

                     விசும்புகிற தத்துவக் காதல் அல்ல !

                     இழுத்து என்னுள் அமிழ்த்தி 

                     மூச்சு திணறடிக்கும் முரட்டு காதல் அல்ல !

                     மரித்தபின்னும் வாழும் என்று புலம்பும்

                     காவிய காதலும் அல்ல !

                     என் உயிர் பிரியும் கடைசி தருணத்தில்  

                     உன் உயிர் பறித்து

                     என்னுடன் அழைத்து செல்லும் 

                     ஒரு  'ராட்சஸக் காதல்'  !!