இனி...!

                                       
                                                           நேசம் தவிர
                                                           வேறு சில தேவைகள்
                                                           சில சரிபடுத்தல்கள்
                                                           அவசியமாகி விட்டது
                                                           இப்போது...

                                                          
                                                           உனது முப்பொழுதும் இன்பமாய்
                                                           கழியவேண்டுமென்று
                                                           உன் மேல் படிந்திருந்த
                                                           நரக நிழலை
                                                           வழித்தெடுத்து எறிந்துவிட்டேன்...

                                                           உனது பயணம் சுகமாக
                                                           இருக்கவேண்டுமென்று
                                                           வழியிலிருந்து எடுத்து
                                                           அப்புறப் படுத்திவிட்டேன்
                                                           முள் என்னை...
                 
                                                           உன்னை துன்புறுத்தும்
                                                           நினைவு மிச்சங்களை
                                                           மொத்தமாய் தீயிலிட்டு
                                                           எரித்துவிடுவேன்
                                                           இன்னும் சற்று நேரத்தில்...  

                                                           யாவும் முடிந்துவிடும் !

                                                           இனி

                                                           தினமும் நீ
                                                           விழித்தெழுந்து பார்க்கையில்
                                                           உன் வீட்டு பூந்தொட்டியில்
                                                           ரோஜாக்கள் மட்டும் பூத்திருக்கும் !
                                                           முட்களை எடுத்து  
                                                           வந்துவிட்டேன் கையோடு...!!


படம் - நன்றி கூகுள்