ஏனோ...!

                                             


                                               பிறந்த மண், பாயும் நதி,

                                               காயும் நிலவு, சுழன்றடிக்கும் புயல்

                                               எதிலும் பெண் வடிவம் கண்டு மகிழ்ந்தவன்

                                               பின் தன்தன் மனை மதியாமல் போனானே !

                                               கல்வி கற்ற கலைமகளை விட 

                                               கை நிறைய பொருள் கொணரும்

                                               திருமகள் தேவை என தேடியவன்

                                               அதிலும் திருப்தி அடையாமல் போனானே !

                                               தேவதை போலொரு மனைவி  

                                               அடைந்தால் சுவர்க்கம் வேறில்லை

                                               தலையில் வைத்து கூத்தாடியவன்

                                               பின் சந்தேகக்கண் கொண்டு எரித்தானே !

                                               அன்புக் கடங்குவதிலும், 

                                               துன்பத்தில் இன்பம் கண்டவள் 

                                               இவள் போல் யார் என்றவன்

                                               அதிலும் பெண்மை உணராமல் போனானே !

                                                இதுவே பெண்மையின் விதி 

                                                தலை கவிழ்ந்தது முடியுங்காலம் 

                                                வந்ததம்மா - 'வென்றிடும் பெண்மை' 

                                                எங்கோ தூரத்தில் ஒரு குரல்.....


                                                ஏனோ எனக்கு மட்டும் கேட்கிறது !!

படம்- கூகுள்